Location hutri betta Near hutridurga Tumakuru

ಎಲ್ಲರಿಗು ನಮಸ್ಕಾರ,

ಇಂದು ನಾನು ತುಮಕೂರು ಜಿಲ್ಲೆಯ ಕುಣಿಗಲ್ ತಾಲೂಕಿನ ಹುತ್ರಿದುರ್ಗದ ಬಳಿ ಇರುವ ಹುತ್ರಿ    ಬೆಟ್ಟದ ಬಗ್ಗೆ ಬರೆಯಿತ್ತಿದ್ದೇನೆ . 

ಇದು ಬೆಂಗಳೂರಿನಿಂದ 65 ಕಿಲೋಮೀಟರ್ ಮತ್ತು ತುಮಕೂರಿನಿಂದ 51 ಕಿಲೋಮೀಟರ್ ದೊರದಲ್ಲಿದೆ. ಇದು ಕೆಂಪೇಗೌಡರಿಂದ 16 ನೇ ಶತಮಾನದಲ್ಲಿ ಕಟ್ಟಲ್ಪಟ್ಟಿದೆ. ಇದು 7 ಸುತ್ತಿನ ಕೋಟೆಯಾಗಿದೆ. ಇದು ಬೆಂಗಳೂರು ಸುತ್ತ ಇರುವ ೯ ದುರ್ಗಗಳಲ್ಲಿ ಒಂದು. ಬೆಟ್ಟದ ಮೇಲೆ ಶಂಕ್ರೇಶ್ವರ ಎಂಬ ದೇವಸ್ಥಾನವಿದೆ. ಸಂಕ್ರೇಶ್ವರ ಮುಂದೆ ಒಂದು ನಂದಿ ವಿಗ್ರಹವಿದೆ. ಬೆಟ್ಟದ ಮೇಲೆ ಹೋಗುವ  ಮಧ್ಯ ಆಂಜನೇಯ ದೇವಸ್ಥಾನವಿದೆ.  ಬೆಟ್ಟದ ಮೇಲೆ ಒಂದು ಊರು ಇದ್ದು. ಅಲ್ಲಿ ಆದಿನಾರಾಯಣ ಮತ್ತು ವೀರಭದ್ರ ಸ್ವಾಮಿ ದೇವಸ್ಥಾನಿದೆ .  ಪ್ರತಿ ಸೋಮವಾರ ಮತ್ತು ಶುಕ್ರವಾರ ವಿಶೇಷ ಪೂಜೆ ನಡೆಯಲಿದೆ. ಈ ಬೆಟ್ಟದಿಂದ ಕೇವಲ 7 ಕಿಲೋಮೀಟರ್ ದೂರದಲ್ಲಿ ಕೆಂಪೇಗೌಡರ ಸಮಾಧಿಸ್ಥಳ ಕಂಡು ಬರುತ್ತದೆ. 

ಒಂದು ದಿನದ ಪ್ರವಾಸ ಕೈಗೊಳ್ಳಲು ಬಹಳ ಚೆನ್ನಾಗಿದ್ದು, ಬೆಂಗಳೂರಿಂದ ಮತ್ತು ಇತರ ಕಡೆಗಳಿಂದ ಪ್ರತಿ ವೀಕೆಂಡ್ ನಲ್ಲಿ ಜನರು ಬಂದು ಹೋಗುತ್ತಾರೆ, ಮೂಲ ಸೌಕರ್ಯಗಳ ಕೊರತೆ ಎದ್ದು ಕಾಣುತ್ತಿದೆ, ಇದು ಜಿಲ್ಲಾಡಳಿತದ ನಿರ್ಲಕ್ಷಕ್ಕೆ ಹಿಡಿದ ಕೈಗನ್ನಡಿಯಾಗಿದೆ.  ಸಂಬಂಧಪಟ್ಟವರು ಇತ್ತ ಗಮನ ಹರಿಸ ಬೇಕು ಮತ್ತು ಮೂಲ ಸೌಕರ್ಯಗಳನ್ನು ಅಭಿವೃದ್ಧಿ ಪಡಿಸಬೇಕು, ಇದರಿಂದ ಸ್ಥಳೀಯವಾಗಿ ಉದ್ಯೋಗ ಸೃಷ್ಟಿಯಾಗುತ್ತದೆ ಎಂಬುವುದು ಹುತ್ರಿದುರ್ಗ ಸ್ಥಳ ಸಂರಕ್ಷಣೆಯ ಸದಸ್ಯರಾದಂತಹ  ಶಿವ ಶಂಕರವರ ಅಭಿಪ್ರಾಯವಾಗಿದೆ. 

ಕಲ್ಯಾಣ್ ಕುಮಾರ್ ಅಭಿನಯದ ಬೆಟ್ಟದ ಭೈರವ ಸಿನೆಮಾ ಚಿತ್ರಿಕರಣವಾಗಿದೆ ಎಂದು ಸ್ಥಳೀಯರಿಂದ ತಿಳಿದುಬಂದಿದೆ. 

ಪ್ರವಾಸಿಗರ ಅನುಕೂಲಕ್ಕಾಗಿ ಕೆಲ ಫೋಟೋ ಮತ್ತು ವಿಡಿಯೋ ಒಂದನ್ನು ಅಪ್ಲೋಡ್ ಮಾಡಲಾಗಿದೆ. 

ನಿಮ್ಮ ಅನಿಸಿಕೆಗಳನ್ನು 9964979899 ಅಥವಾ info@cinetalenters.com ಗೆ ಬರೆಯಲು ಕೋರಲಾಗಿದೆ. 

Location Devarayanadurga a hill station and Namada chilume

ಎಲ್ಲರಿಗು ನಮಸ್ಕಾರ,

ಇಂದು ನಾನು ತುಮಕೂರಿಗೆ ಕೇವಲ ೧೫ ಕಿಲೋಮೀಟರ್ ಹತ್ತಿರ  ಇರುವ ಒಂದು ಗಿರಿಧಾಮದ ಬಗ್ಗೆ ಹೇಳ ಬಯಸುತ್ತಿದ್ದೇನೆ.

ಇದರ ಮೂಲ ಹೆಸರು ಜಡಕನದುರ್ಗ, ಇದನ್ನು ಚಿಕ್ಕ ದೇವರಾಜ ಒಡೆಯರ್ ರವರು ವಶಪಡಿಸಿಕೊಂಡ ನಂತರ ಇದನ್ನು ಕರಿಗಿರಿ ಎಂದು ಮರುನಾಮಕರಣ ಮಾಡಿದರು ಆದರೆ ಕೊನೆಗೆ ದೇವರಾಯನದುರ್ಗ ಎಂದು ನಾಮಕರಣವಾಯಿತು.

ಇದು ಕೇವಲ ತುಮಕೂರು ಜಜಿಲ್ಲಾ ಕೇಂದ್ರದಿಂದ ೧೫ ಕಿಲೋಮೀಟರ್ ದೂರವಿದ್ದು ದಟ್ಟ ಕಾನನದ ನಡುವೆ ಹರಡಿಕೊಂಡಿದೆ. ಬೆಟ್ಟದ ಮೇಲೆ ಲಕ್ಷ್ಮಿ ನರಸಿಂಹಸ್ವಾಮಿ ದೇವಾಲಯವಿದ್ದು ಇದನ್ನು ದ್ರಾವಿಡ ಶೈಲಿಯಲ್ಲಿ ಕಟ್ಟಲಾಗಿದೆ . ಕೆಳಗಡೆ ಭೋಗ ನರಸಿಂಹ ದೇವಸ್ಥಾನವಿದ್ದು, ಮೇಲೆ ಯೋಗ ನರಸಿಂಹ ಸ್ವಾಮಿ ದೇವಸ್ಥಾನವಿದೆ . ಈ ದೇವಸ್ಥಾನದ ಜೊತೆಗೆ ೩ ಕಲ್ಯಾಣಿಗಳಿದ್ದು ಕ್ರಮವಾಗಿ ನರಸಿಂಹ ತೀರ್ಥ, ಪರಸರ ತೀರ್ಥ ಮತ್ತು ಪಾದ ತೀರ್ಥ ಎಂದು ಹೆಸರಿಸಲಾಗಿದೆ . ಮೇಲೆ ಒಂದು ಗರುಡ ದೇವಾಲಯವಿದ್ದು ನೋಡಲು ಬಹಳ ಆಕರ್ಷಕವಾಗಿದೆ. ಇನ್ನು ಮೇಲೆ ಹೋದಂತೆ, ಪ್ರವಾಸಿ ಮಂದಿರ ಮತ್ತು ಇತರ ಬಂಗಲೆಗಳಿವೆ.

ನಾಮದ ಚಿಲುಮೆ.  

ತುಮಕೂರು ಕಡೆಯಿಂದ ಹೋದಾಗ ಮೊದಲಿಗೆ ಸಿಗುವುದೇ ನಾಮದ ಚಿಲುಮೆ ಪ್ರದೇಶ, ಇತಿಹಾಸದ ಪ್ರಕಾರ ಶ್ರೀರಾಮನು ಲಂಕೆಗೆ ಹೋಗುತ್ತಿರುವಾಗ ಕುಡಿಯಲು ನೀರು ಬೇಕಾಗುತ್ತದೆ, ಆಗ ಎಲ್ಲ ಕಡೆ  ಹುಡುಕಿದರೂ  ನೀರು ಸಿಗದಿದ್ದಾಗ ಶ್ರೀರಾಮನು ತನ್ನ ಒಂದು ಬಾಣದಿಂದ ನೆಲಕ್ಕೆ ಜೋರಾಗಿ ಬಿಲ್ಲಿನಿಂದ ನೆಲಕ್ಕೆ ಅಪ್ಪಳಿಸಿದಾಗ ನೀವು ಚಿಮ್ಮುತ್ತದೆ, ಅದು ನಾಮದ ರೀತಿಯಲ್ಲಿ ಹರಿಯುತ್ತದೆ ಆದ ಕಾರಣ ಇದಕ್ಕೆ ನಾಮದ ಚಿಲುಮೆ ಎಂದು ಹೆಸರು ಬಂದಿದೆ ಎಂಬುದಾಗಿ ತಿಳಿದು ಬಂದಿದೆ.

ಇದು ಬೆಂಗಳೂರಿಗೆ ೬೫ ಕಿಲೋಮೀಟರ್ ಹತ್ತಿರವಿದ್ದು. ೧೫ ಕಿಲೋಮೀಟರ್ ಹತ್ತಿರದಲ್ಲಿ ತುಮಕೂರು ಮತ್ತು ೨೫ ಕಿಲೋಮೀಟರ್  ಹತ್ತಿರದಲ್ಲಿ ದಾಬಸ್ಪೇಟೆ ರೈಲ್ವೆ ಸ್ಟೇಷನ್ ಇರುತ್ತವೆ.

ಬರುವ ಪ್ರವಾಸಿಗರಿಗೆ ಉಳಿದುಕೊಳ್ಳಲು KSTDC ವತಿಯಿಂದ ಹೋಟೆಲ್ ಮಯೂರ ಮೇಘದೂತ ವ್ಯವಸ್ಥೆ ಮಾಡಲಾಗಿದೆ .

ದಟ್ಟ ಕಾನನದ ನಡುವೆ ಇರುವುದರಿಂದ ಹಸಿರು ತುಂಬಿ ತುಳುಕುತ್ತಿದೆ. ಒಂದು ದಿನದ ಮಟ್ಟಿಗೆ ಪ್ರವಾಸ ಕೈಗೊಳ್ಳಲು  ವೀಕೆಂಡ್ ಮೋಜು ಕಳೆಯ ಬಹುದಾಗಿದೆ.

ಕೆಳಕಂಡ ಲಿಂಕ್ ಅನ್ನು ಫಾಲೋ ಮಾಡಿ ಮತ್ತು ನಿಮ್ಮಅಭಿಪ್ರಾಯ ಮತ್ತು  ಕಾಮೆಂಟ್ ಅನ್ನು ಕಾಮೆಂಟ್ ಬಾಕ್ಸ್ ನಲ್ಲಿ ಹಾಕಲು ಕೋರಿದೆ.

https://www.google.co.in/maps?q=devarayanadurga&um=1&ie=UTF-8&sa=X&ved=0ahUKEwitmen19tjWAhXKu48KHV2nA9gQ_AUICigB

Location Seebi Narasimhaswamy temple

ಎಲ್ಲರಿಗು ನಮಸ್ಕಾರ,

ಇಂದು ನಾನು ಸೀಬಿ ನರಸಿಂಹ ಸ್ವಾಮಿ ದೇವಸ್ಥಾನದ ಬಗ್ಗೆ ಚರ್ಚಿಸುತ್ತಿದ್ದೇನೆ, ಈ ದೇವಸ್ಥಾನವು ತುಮಕೂರು ನಗರದಿಂದ ಸುಮಾರು ೨೭ ಕಿಲೋಮೀಟರ್ ದೂರದಲ್ಲಿದೆ, ಇದನ್ನು ತಲುಪಲು ನಾವು NH ೪ ಮೂಲಕ ಹೋಗಬೇಕು ಮತ್ತು ನೆಲಹಾಲು ಗ್ರಾಮ ಪಂಚಾಯಿತಿ ವ್ಯಾಪ್ತಿಗೆ ಸೇರಿರುತ್ತದೆ,

NH ೪ ಗೆ ಪಕ್ಕದಲ್ಲೇ ಇದೆ, ಸುಮಾರು ೨೫೦ ವರ್ಷಗಳ ಹಳೆಯ ದೇವಸ್ಥಾನವಾಗಿದೆ.  ಮೊದಲು ಗಣೇಶ ನಿಮ್ಮನ್ನು ಸ್ವಗತಿಸುತ್ತಾನೆ . ನಂತರ  ರಾಜ ಗೋಪುರವಿದ್ದು.  ಒಂದು ಕಲ್ಯಾಣಿ ಇದೆ. ಇದು ಒಂದು ಟ್ರಸ್ಟ್ ಗೆ ಸೇರಿರುತ್ತದೆ. ದೇವಸ್ಥಾನವು ಬಹಳ ಚೆನ್ನಾಗಿದ್ದು  ಒಂದು ದಿನದ ಪ್ರವಾಸ ಕೈಗೊಳ್ಳಬಹುದು.

ಹೋಗಲು ಇಷ್ಟಇರುವವರು ಈ ಕೆಳಕಂಡ ಲಿಂಕ್ ಅನ್ನು ಫಾಲೋ ಮಾಡಲು ಕೋರಿದೆ.

https://www.google.co.in/maps/place/Seebi+Narasimha+Swamy+Temple/@13.5242514,76.9984305,14.67z/data=!4m13!1m7!3m6!1s0x3bb093c64299f857:0xcd67a71d2115a3bf!2sNarasimha+Swamy+Temple,+Belagere,+Karnataka+577522!3b1!8m2!3d14.161708!4d76.7526793!3m4!1s0x0:0xb22bc3b4626d537f!8m2!3d13.530178!4d77.0009369

ದೇವಸ್ಥಾನದ ಇನ್ನಷ್ಟು ಇತಿಹಾಸ ಕೆದಕಲು ಪ್ರಯತ್ನಿಸಿದೆ ಆದರೆ ಸೂಕ್ತವಾದ ಮಾಹಿತಿ ಸಿಗಲಿಲ್ಲ.

ದೇವಸ್ಥಾನದ ಸಮಯವೂ ಬೆಳಗ್ಗೆ ೮ ಘಂಟೆ ಯಿಂದ ಮಾಧ್ಯಾನಃ ೧೨.೩೦ ರವರೆಗೆ
ಮತ್ತು ಮಾಧ್ಯಾನಃ ೩.೩೦ ರಿಂದ ಸಂಜೆ ೭ರ ವರೆಗೆ ತೆರೆದಿರುತ್ತದೆ.

ವಸಂತನರಸಾಪುರ ಕೈಗಾರಿಕಾ ಪ್ರದೇಶವು ಕೇವಲ ೧ ಕಿಲೋಮೀಟರ್ ಹತ್ತಿರದಲ್ಲಿದೆ.

ಹೋಗುವವರ ಅನುಕೂಲಕ್ಕಾಗಿ ಕೆಲ ಫೋಟೋಗಳನ್ನು ಶೇರ್ ಮಾಡಿದ್ದೇನೆ.

ನಿಮ್ಮ ಯಾವುದೇ ಅನಿಸಿಕೆಗಳಿದ್ದರೆ ೯೯೬೪೯೭೯೮೯೯ ಅಥವಾ ಫೇಸ್ಬುಕ್ನಲ್ಲಿ ನಮ್ಮನ್ನು ಲೈಕ್ ಮಾಡಿ ಅಥವಾ ಕಾಮೆಂಟ್ ಬಾಕ್ಸ್ ನಲ್ಲಿ ಹಾಕಿ.

Location Hatyal betta a tourist place

ಎಲ್ಲರಿಗು ನಮಸ್ಕಾರ,

ಸುಮಾರು ನೂರು ದಿನಗಳ ನಂತರ ನಾನು ಈ ಒಂದು ಆರ್ಟಿಕಲ್ ಅನ್ನು ಬರೆಯುತ್ತಿದ್ದೇನೆ.
ಇಂದು ನಿಮ್ಮ ಮುಂದೆ ತರುತ್ತಿರುವ 50 ನೇ ಆರ್ಟಿಕಲ್ ಆಗಿರುತ್ತದೆ. ಇನ್ನು ಮುಂದೆ ನಾನು ಕೆಲವು ಪ್ರೇಕ್ಷಣೀಯ ಸ್ಥಳಗಳ ಮಾಹಿತಿ ಒದಗಿಸಲು ಪ್ರಯತ್ನಿಸುತ್ತೇನೆ.

ಇಂದು ನಿಮ್ಮ ಮುಂದೆ ಪ್ರಸ್ತುತ ಪಡಿಸುತ್ತಿರುವ ಒಂದು ಸ್ಥಳದ ಹೆಸರು "ಹತ್ಯಾಲ್ ಬೆಟ್ಟ" ಒಂದು ಗಿರಿಧಾಮ. ಇದು ತುಮಕೂರು ಜಿಲ್ಲೆಯ ತಿಪಟೂರು ತಾಲೂಕಿನ ಯಗಚಿಕಟ್ಟೆ ಬಳಿ ಕಂಡು ಬರುತ್ತದೆ.  ಈ ಒಂದು ಗಿರಿಧಾಮವು ತುಮಕೂರಿನಿಂದ ಸುಮಾರು 50 ಕಿಲೋಮೀಟರ್, ತಿಪಟೂರಿನಿಂದ 20 ಕಿಲೋಮೀಟರು ಮತ್ತು ಬೆಂಗಳೂರಿನಿಂದ 120 ಕಿಲೋಮೀಟರ್ ದೂರವಿದೆ.
ರಾಷ್ಟೀಯ ಹೆದ್ದಾರಿ 206 ಈ ಗಿರಿಧಾಮದ ಮುಂದೆ ಹಾದುಹೋಗುತ್ತದೆ ಮತ್ತು ತುಮಕೂರು ಮತ್ತು ಬೆಂಗಳೂರಿನಿಂದ ಸಂಪರ್ಕ ಕಲ್ಪಿಸುತ್ತದೆ.

ಈ ಗಿರಿಧಾಮವು ನೆಲ ಮಟ್ಟದಿಂದ 500 ಅಡಿ ಎತ್ತರವಿದೆ. ಬೆಟ್ಟದ  ಮೇಲೆ ಶ್ರೀ ನರಸಿಂಹಸ್ವಾಮಿಯ ದೇವಸ್ಥಾನವಿದೆ. ಈ ದೇವಸ್ಥಾನವು 400 ವರ್ಷಗಳ ಇತಿಹಾಸ ಇದೆ ಎಂದು ಸ್ಥಳೀಯರಿಂದ ತಿಳಿದು ಬಂದಿದೆ. ಆ ದೇವಾಲಯವು ಪ್ರಮುಖ ವೈಷ್ಣವ ದೇವಾಲಯ ಮತ್ತು ವೀರಶೈವ ಅರ್ಚಕರನ್ನು ಹೊಂಡಿರುವ ಪುರಾತನ ದೇವಾಲಯವಾಗಿರುತ್ತದೆ. ರಾಷ್ಟೀಯ ಹೆದ್ದಾರಿ 206ರ ಉತ್ತರಕ್ಕೆ 2 ಕಿಲೋಮೀಟರ್ ದೂರದಲ್ಲಿರುತ್ತದೆ.

ಇದು ಒಂದು ಪ್ರವಾಸಿ ತಾಣವಾಗಿದ್ದು ಸುಮಾರು 383 ಎಕರೆ ವಿಸ್ತಾರದಲ್ಲಿ ಹರಡಿಕೊಂಡಿದೆ. ಇದು ಚಾರಣಿಗರಿಗೆ ಹೇಳಿ ಮಾಡಿಸಿದ ಜಾಗವಾಗಿದ್ದು. ಸುತ್ತಲೂ ಬೆಟ್ಟ ಗುಡ್ಡಗಳಿಂದ  ಕೂಡಿದೆ.  ವೀಕೆಎನ್ಡ್ ಮೋಜು ಕಳೆಯಲು ಅಥವಾ ಒಂದು ದಿನದ ಪ್ರವಾಸ ಕೈಗೊಳ್ಳಲು  ಹೇಳಿ ಮಾಡಿಸಿದ ಜಾಗವಾಗಿದೆ.

ಸಿನಿಮಾ ಮಂದಿಗೆ ಇದು ಕ್ಲೈಮಾಕ್ಸ್, ಮದುವೆ ಮತ್ತು ಇತರ ಸನ್ನಿವೇಶಗಳನ್ನು  ಚಿತ್ರಿಕರಣ ಮಾಡಲು ಹೇಳಿ ಮಾಡಿಸಿದ ಜಾಗವಾಗಿರುತ್ತದೆ.

ನಿಮ್ಮೆಲ್ಲರ ಅನುಕೂಲಕ್ಕಾಗಿ ಕೆಲ ಫೋಟೋ ಮತ್ತು ವಿಡಿಯೋಗಳನ್ನು ಶೇರ್ ಮಾಡುತ್ತಿದ್ದೇನೆ. ಮತ್ತು ಮುಂದಿನ ಲಿಂಕನ್ನು ಫಾಲೋ ಮಾಡಿ.

https://www.google.co.in/maps/place/Hatyal+Narasimha+Swamy+Temple/@13.3357617,76.7166966,15z/data=!4m5!3m4!1s0x0:0x4681501d4d035dd!8m2!3d13.3357617!4d76.7166966


ನಿಮ್ಮ ಅನಿಸಿಕೆ, ಅಭಿಪ್ರಾಯ, ಟೀಕೆಗಳನ್ನು 9964979899 ಗೆ  ವಾಟ್ಸಪ್ಪ್ ಅಥವಾ info@cinetalenters.com ಅಥವಾ cinetalenters@gmail.com ಅಥವಾ ಕೆಳಕಂಡ ಕಾಮೆಂಟ್ಸ್ box ನಲ್ಲಿ ಹಾಕಿ.